کرپٹ حکمراناں دا پچھلا ݙاہ سالہ دور گھپ دور ہا، ریاستی اداروں کوں سیاسی ماخلت دے بغیر چلݨ ݙتا ونڄے تاں نتیجے چنڳے نکلدن، وزیراعظم عمران خان

اسلام آباد۔4جنوری(اے پی پی)وزیراعظم عمران خان آکھیے جو کرپٹ حکمراناں دا پچھلا ݙاہ سالہ دور گھپ دور ہا، ریاستی اداروں کوں سیاسی ماخلت دے بغیر چلݨ ݙتا ونڄے تاں نتیجے چنڳے نکلدن۔ ہک ٹویٹ اچ وزیراعظم عمران خان ݙسائے جو نیب سال 20۔2019 اچ 389 ارب روپے دی ریکوریاں کیتن بھل 2008 توں 2018 دے 10 سالاں اچ اے ریکوریاں صرف 104 ارب روپے ہن۔ وزیراعظم آکھیا جو پنجاب اچ محکمہ اینٹی کرپشن 27 مہینے اچ 206 ارب روپے ریکور کیتن ڄݙاں جو کرپٹ حکمراناں دے 10 سالہ دور اچ اے ریکوری صرف 3ارب ہئی، ایندے نال واضح تھیندے جو ریاستی ادارے سیاسی مداخلت دے بغیر آزادانہ کم کرن تاں ایندے قوم کوں چنڳے فیدے ملدن، ملک اچ ادارے آزادانہ کم کریندے پین اتے احتساب تھیندا پئے۔