پاکستان دی سری نگر اچ ترائے کشمیری نوجواناں دی بھارتی  فوج دے ہتھوں ماورائے عدالت قتل دی شدید مذمت

اسلام آباد۔5جنوری(اے پی پی)پاکستان سری نگر اچ ترائے کشمیری نوجواناں دی بھارتی قابض افواج دے ہتھوں ماورائے عدالت قتل دی شدید مذمت کریندے بھارت تے زور ݙتے جو اور تریے شہید کشمیری مزدوراں دی میتاں باضابطہ تدفین کیتے ورثا کوں ݙیوے۔ ترجمان دفتر خارجہ موجب شہید کشمیری نوجواناں ،اعجاز احمد گھانئی، زبیر احمد لون تے اطہر مشتاق وانی دے اہل خانہ تصدیق کیتی اے جو اے نینگر بے قصور ماریے ڳین، اے ظلم اتے غیر انسانی سلوک دی وݙی مثال اے جیڑھا بھارت کشمیر اچ کریندا پئے، شہیداں دی میت وی نئیں ݙتی ویندی، اے رویہ عالمی ضمیر جنجھوڑݨ کیتے ٻہوں اے۔