وزیراعظم عمران خان سب توں وݙا ترقیاتی پیکیج سندھ اتے کراچی دے عوام کوں ݙتے، چورنگی آلی زبان وزیراعلیٰ سندھ کوں زیب نئیں ݙیندی، وفاقی وزیر مواصلات مراد سعید دی پریس کانفرنس

اسلام آباد۔6 جنوری(اے پی پی)وفاقی وزیر مواصلات مراد سعید آکھیے جو وزیراعظم عمران خان سب توں وݙا ترقیاتی پیکیج سندھ اتے کراچی دے عوام کوں ݙتے، چورنگی آلی زبان وزیراعلیٰ سندھ کوں زیب نئیں ݙیندی،پیپلزپارٹی ٻہوں ڳندی زبان استعمال کیتی اے، اے رویہ پی ڈی ایم دی جلسیاں ناکام تھیوݨ دی نشانی اے، پارٹی قیادت دی بدعنوانی اچ ہتھ ونݙاوݨ آلے وزیراعلیٰ سندھ دا کردار ہر کہپیں دے ساݨے اے، سندھ کوں وفاق دے فنڈز ملݨ دے باوجود صوبے اچ ترقیاتی منصوبے نہ ہووݨ دے برابر ہین۔اے ڳالھ انہاں پریس کانفرنس اچ آکھی۔ انہاں آکھیا جو سندھ اتے کراچی دی ترقی کیتے سارے ترقیاتی منصوبے مکمل کریسوں، وزیراعظم عمران خان دی اڳواݨی اچ ملک اقتصادی بہتری دو ویندا پئے۔