وزیراعظم عمران خان ہمیشہ غریب اتے محروم طبقیاں دی بھلائی کیتے کم کیتے، وزیر اطلاعات ونشریات سینیٹر شبلی فراز

اسلام آباد۔7جنوری(اے پی پی)وفاقی وزیر اطلاعات ونشریات سینیٹر شبلی فراز آکھیے جو وزیراعظم عمران خان ہمیشہ غریب اتے محروم طبقات کیتے کم کیتے، احساس پروگرام ‘ لنگر خانے‘ پناہ گاہیں اتے کامیاب جوان پروگرام ایندا وݙا ثبوت ہین، ملک اچ وسائل دی منصفانہ ونݙ یقینی بݨائی ویسی۔ اے ڳالھ انہاں اسلام آباد اچ اخبارفروشاں کیتے پیکیج دے اعلان دی تقریب نال خطاب اچ آکھی۔ وفاقی سیکرٹری اطلاعات ونشریات زاہدہ پروین ‘ ایم ڈی پاکستان بیت المال عون عباس بپی ‘ ٹکا خان سودھا وݙی تعداد اچ اخبار فروش یونین دے عہدیدار موجود ہن۔وفاقی وزیر اطلاعات و نشریات سینیٹر آکھیا جو ہݨ وفاق اتے پنجاب اچ وی صحت انصاف کارڈ دا دائرہ مرحلہ وار ودھایا ویسی،کرونا دے باوجود وزیراعظم عمران خان دی کامیاب حکمت عملی نال ملک اچ معیشت اتے لوکاں دے جیوݨ دا تحفظ کیتا ڳئے، انہاں ہر دور اچ عوام کیتے ہی کم کیتے۔ انہاں آکھیا جو پاکستان بیت المال وزارت اطلاعات نال رل تے اخبار فروشاں کیتے بہترین پیکیج دا اعلان کیتے، اخبار فروشاں دے مسلے وزارت اطلاعات ترجیحی بنیاداں تے حل کریسی۔ سیکرٹری وزارت اطلاعات و نشریات زاہدہ پروین آکھیا جو صحت اہم شعبہ اے ‘بیت المال نال رل تے فیصلہ کیتے جو 6لکھ روپے اخبار فروش اتے انہاں دے ٹبر کو علاج کیتے ملسن، سکول‘ کالج ‘یونیورسٹیاں اچ پی ایچ ڈی تئین دا خرچ پاکستان بیت المال برداشت کریسی، مالی امداد وی ݙتی ویسی، ایں سانڳے پاورٹی الیوی ایشن  فنڈ وی سود توں پاک قرضہ ݙیسی۔ ایم ڈی پاکستان بیت المال عون عباس بپی آکھیا جو کرونا نال اخبار فروش وی متاثر تھین، اخبار فروشچاں دے مسلے حل کر، امدادی پیکج کیتے فوکل پرسن مقرر کیتا ویسی، بیت المال دے ضلعی دفاتر اخبار فروشاں دی درخواستاں فاسٹ ٹریک تے چلیسن، اخبار فروشاں دے ٻالاں کوں سحت ، تعلیم دی سہولت ݙتی ویسی، بیت المال دے 160سکولاں اچ فری تعلیم ‘ یونیفارم‘ کتاباں اتے وظیفہ ݙتا ویسی۔