وزارت اطلاعات ونشریات‘ میڈیا‘ پروڈکشن آرٹ و کلچر دے ودھارے کیتے تربیت دا ماحول ݙیسی، وزیر اطلاعات سینیٹر شبلی فراز

اسلام آباد۔7جنوری(اے پی پی)وفاقی وزیر اطلاعات و نشریات سینیٹر شبلی فراز آکھیے جو میڈیا ‘آرٹ‘ سپورٹس اتے کلچر سودھا ہر شعبے اچ تربیت اہم ہوندی اے، وزارت نویں آوݨ آلیاں کوں ایں سانڳے باقاعدہ تربیت ݙیوݨ کیتے چنڳاں ماحول ݙیسی، اکیڈمی آف ایکسیلنس کوں آئر لینڈ آف ایکسیلنس بݨاوݨ کیتے سارے وسائل لائے ویسن۔ اے ڳالھ انہاں ریڈیوپاکستان اکیڈمی اچ اکیڈمی آف ایکسیلنس دی تقریب نال خطاب اچ آکھی۔ تقریب اچ وفاقی سیکرٹری اطلاعات و نشریات زاہدہ پروین ‘ ایڈیشنل سیکرٹری شاہیرہ شاہد ‘ ڈی جی ریڈیو پاکستان عبرین جان ‘ پی آئی او سہیل علی خان سودھا مختلف یونیورسٹیاں دے شعبہ میڈیا سائنسز دے سربراہان شرکت کیتی۔ انہاں آکھیا جو اکیڈمی آف ایکسیلنس کوں عملی شکل ݙے ݙتی ڳئی اے، ایندے نال میڈیا اتے پروڈکشن دے شعبے اچ نویں ٹیلنٹ کوں اپݨیاں صلاحیتاں ودھاوݨ دی مدد ملسی، ملک اچ میڈیا ‘ آرٹ اتے پروڈکشن دی تربیت دی کمی پوری کیتی ویسی تاں جو ٹی وی تے نویں لوک، فنکار، کامیاب کہانیاں ممکن تھیسن۔