اڄ ماضی دے مقابلے پاکستان اچ دہشت گردی دا کوئی منظم نیٹ ورک کائنی، ڈی جی آئی ایس پی آرمیجرجنرل بابر افتخاردی پریس بریفنگ

راولپنڈی۔11جنوری(اے پی پی) پاک فوج دے شعبہ تعلقات عامہ (آئی ایس پی آر) دے ترجمان میجرجنرل بابر افتخارآکھیا جو افواج پاکستان،اینٹلی جنس ایجنسز اتے اساں ساریاں توں اہم پاکستانی عوام کٹھی تھی کراہیں اوکھ دا مقابلہ کیتے اتے قوم دی حیثیت نال الحمد اللہ اساکوں سرخرو کیتے، مغربی سرحد تے سابق قبائلی ضلعیاں اچ امن و امان بحال کرݨ دے نال نال اتھاں سماجی اتے معاشی ترقی دے منصوبے وی شروع تھی ڳئن۔ دہشت گردی دے خلاف کامیاب آپریشنز دے نتیجے اچ سلامتی دی اڄوکی صورتحال بہتر تھئی اے۔ اڄ ماضی دے مقابلے پاکستان اچ دہشت گردی دا کوئی منظم نیٹ ورک کائنی۔ ہندوستان دے مذموم عزائم ہوون یا پاکستان دے خلاف ہابرڈ جنگ دے ایپلی کیشنز ،خطرات اندروں ہووں یا ٻاہروں، اساں یکا ثبوتاں اتے حقائق نال انہاں دی نشاندہی وی کیتی اے اتے کامیابی نال مقابلہ وی کیتے، کائینٹک خطرات دے میدان اچ ناکامی دے بعد بھارت ہائبرڈ اتےففتھ جنریشن وار دا سہارا ڳھدے۔ سنوار کوں پریس بریفنگ اچ انہاں ݙسیا جو 2020 گزریل ݙاہ سالیں اچوں ہک اوکھا سال ہئی، 2020 اچ سلامتی دے چلنجز دے علاوہ ٹڈی دل اتے کورونا وائرس دی وبا پاکستان دی معیشت اتے فوڈ سکیورٹی کوں خطرے اچ پاتے، گزریل ݙھاکے اچ ہک پاروں مشرقی سرحد اتے لائن آف کنٹرول تے ہندوستان دی شرانگیزیاں جاری ہن تاں ݙوجھے پاسوں مغربی سرحد تے کالعدم دہشت گرد تنظیماں انہاں دی بھن تروڑ اتے پشت پنای نال پاکستان کوں عدم استحکام دا شکار کیتا ویندا پیا ہئی، انہاں سارے چیلنجز دے باوجود ریاست، سارے قومی ادارے، جو افواج پاکستان،اینٹلی جنس ایجنسز اتے اساں ساریاں توں اہم پاکستانی عوام کٹھی تھی کراہیں اوکھ دا مقابلہ کیتے اتے قوم دی حیثیت نال الحمد اللہ اساکوں سرخرو کیتے۔ الحمدللہ اڄ ماضی دے مقابلے پاکستان اچ دہشت گردی دا کوئی منظم نیٹ ورک کائنی۔ ۔آپریشن ردالفساد دے ذریعہ 3 لکھ ،71 ہزار171  انٹیلی جنس  تےر مبنی آپریشنز کیتے ڳئن، 72 ہزار توں ودھ اسلحہ، 5 ملین ایمونیشنز، اتے ساڈھے چارسوٹن بارودبرآمدکیتا ڳئے۔ میجرجنرل بابرافتخارآکھیا جو کامیبیاں کوں ݙٹھا ونڄے تاں 2007 اچ سابق قبائلی ضلعیاں اچوں 37 فیصد علاقے تے ریاست دی عمل داری رہ ڳئی ہئی، اڄ سارے قبائلی ضلعے خیبرپختونخواہ دا حصہ ہن، 2020 اچ دہشت گردی دے وݙے واقعیاں اچ سال 2019 اچ 45 فیصد ڳھٹکی تھئی اے۔ 2013 اچ اے 90واقعے سالانہ ہن۔ اڄ اے 13 واقعات تے آڳئن۔ میجرجنرل بابر افتخارآکھیا جو مشرقی سرحد اتے لائن آف کنٹرول تے بھارت دی اشتعال انگیزیاں ودھ ڳئن، ہندوستان خاص طور شہری آبادی کوں نشانہ بݨائے جنہاں اچ نشوم بال، تریمتیں اتے بزرگ شہری شامل ہن۔ بھارت گزریل سال سیز فائر دی 3097 خلاف ورزیاں کیتی جنہاں اچ 28 معصوم لوک شہید اتے 297 زخمی تھین۔  پاکستان آرمی ہندوستان دی خلاف ورزیاں دا پورا جواب ݙتے اتے ایں نال ہندوستان دا وی ٻہوں نقصان تھیے۔