این آر او دی قیمت 29 ملین ڈالر قوم کوں بھوڳݨی پوندی پئی ، براڈ شیٹ متعلق دستاویزات کوں پبلک کرݙتا ڳے ، وزیر اعظم دے مشیر احتساب و داخلہ شہزاد اکبر

اسلام آباد۔18جنوری  (اے پی پی):وزیر اعظم دے مشیر برائے احتساب و داخلہ شہزاد اکبر آکھیے جو این آر او دی قیمت 29 ملین ڈالر قوم کوں بھوڳݨی پوندی پئی ، براڈ شیٹ متعلق دستاویزات کوں پبلک کرݙتا ڳے ، وزیر اعظم عمران خان دی قیادت اچ حکومت شفاف احتساب تے یقین رکھیندی اے اے ڳالھ انہاں سنوار کوں پریس کانفرنس توں خطاب کریندے ہوئیں آکھی اے انہاں آکھے جو براڈ شیٹ متعلق کجھ دستاویزات پبلک کر یندے پیوں۔ براڈ شیٹ متعلق اہم دستاویزات پبلک کرݨ کیتے براڈ شیٹ دے وکلا نال اساݙے وکلا رابطہ کیتے انہاں ایندے تے کوئی اعتراض نی کیتا ۔شفافیت دے بغیر احتسا ب دا عمل ممکن کائنی ۔ موجودہ حکومت شفافیت کوں یقینی بݨاوݨ کیتے ایں دستاویز کوں پبلک کریدی پئی اے ۔ مشیر احتساب آکھیے جو نیب اتے براڈ شیٹ دے درمیان معاہدے جون 2000 اچ تھیا ہئی ۔ ایں طرح جولائی 2000 اچ  انٹرنیشنل ایسٹ ریکوری(آئی آر اے) دے نال معاہدہ تھیا۔ دسمبر 2000 اچ ڈیل کر تے نواز شریف سعودی عرب چلے ڳے ہن ۔ انہاں آکھیے جو 28اکتوبر 2003 اچ براڈ شیٹ دے نال معاہدے منسوخ کر ݙتا ڳیا ۔ 2007اچ براڈ شیٹ اتے آئی آر اے حکومت پاکستان کوں ایندے ذمہ واجب الادا رقم دی ادائیگی دا نوٹس ݙتا۔ 20 مئی 2008 کوں براڈ شیٹ دے ساتھ معاہدہ تھیا جیں دے تحت 1.25 ملین ادا کیتے ڳٖ ۔ اوں ویلھے یوسف رضا گیلانی وزیراعظم ہن ۔ 2009 کوں براڈ شیٹ ول ایندی رقم دی ادائیگی کیتے حکومت پاکستان دے خلاف ثالثی عدالت اچ ڳی ۔ جنوری 2016 کوں ایں معاملے تے حتمی دلائل شروع تھئے اوں ویلھے نواز شریف وزیراعظم ہن ۔ 5 اگست 2016 کوں ایندا فیصلہ براڈ شیٹ دے حق اتے پاکستان دے خلاف تھیا ۔انہاں آکھیے جو وزیراعظم عمران خان ایں معاملے دے حوالے نال سفارشات دی تیاری کیتے وزرا کمیٹی قائم کیتی اے جیرھی جو 48 گھنٹے وچ اپݨی سفارشات وزیراعظم کوں پیش کریسی ۔