شہر اچ امن وامان بحال رکھݨ کیتے ہر چیز تے نظر رکھی ویسی ، پرامن احتجاج دی اجازت اے ،وفاقی وزیر داخلہ شیخ رشید احمد

اسلام آباد۔19جنوری  (اے پی پی):وفاقی وزیر داخلہ شیخ رشید احمد آکھیے جو شہر اچ امن وامان بحال رکھݨ کیتے ہر چیز تے نظر رکھی ویسی ، کیمریں نال اسلام آباد دے داخلی رستیں دی سخت نگرانی کیتی ویسی ، پرامن احتجاج دی اجازت اے ۔ وزارت داخلہ توں جاری بیان موجب اے ڳالھ انہاں منگل کوں پی ڈی ایم دے الیکشن کمیشن دے باہراحتجاج  دے موقع تے آکھی اے ایں صورت حال اچ وزارت داخلہ اچ کنٹرول روم قائم  کیتا ڳئے ۔ وزیر داخلہ شیخ رشید دا صورتحال خود مانیٹر کرݨ دا فیصلہ کیتے ۔ شیخ رشید سیکرٹری داخلہ یوسف نسیم کھوکھر  دے رلے کنٹرول روم دا دورہ  کیتا ۔ کنٹرول روم اچ سہولتاں دا جائزہ ڳھدا تے کنٹرول روم توں اسلام آباد کوں مانیٹر کیتا ویسی ۔ ایں موقع تے شیخ رشید احمد آکھیے جو شہر اچ امن وامان بحال رکھݨ کیتے ہرچیزتے نظر رکھی ویسی۔