صدر مملکت ڈاکٹر عارف علوی نال مختلف ملکاں دے نامزد سیفراں دی ملاقات ،اسناد سفارت پیش کیتیاں

اسلام آباد۔19جنوری  (اے پی پی) صدر مملکت ڈاکٹر عارف علوی آکھیے جو پاکستان سارے دوست ملکاں دے نال تجارت ، سرمایہ کاری ، دفاع اتے ثقافتی تعاون ودھاوݨ چاہندے ۔غیر ملکی سرمایہ کاراں کوں ملک دے سرمایہ کاری دوست ماحول توں فائدہ چاوݨ دی لوڑھ اے ، عالمی برادری بھارت کوں بین الاقوامی قوانین دی صریح خلاف ورزیاں توں روکݨ کیتے آپدا کردار ادا کرے ۔ اے ڳالھ انہاں منگل کوں مختلف ملکاں دے سفیراں نال ملاقات کریندے آکھی اے ۔ایوان صدر دے پریس ونگ توں جاری بیان موجب صدر ڈاکٹر عارف علوی کوں کوریا ، نیپال ، بیلاروس دے رہائشی اتے آئرلینڈ ، کوسوو ، مالی اتے سیرالیون دے غیر رہائشی نامزدسفراء سنداں سفارشات پیش کیتیاں ۔ سفراء صدر مملکت نال انجھ انجھ ملاقاتاں کیتیاں ۔ ایں موقع تے صدر مملکت سفراء کوں مبارخ ݙتی ۔