براڈ شیٹ معاملے تے پہلے ہی وزیراعظم عمران خان انکوائری کمیٹی بݨا چکن ،او45 ݙٰینھ اچ انکوائری مکمل کریسی ، وفاقی وزیر اطلاعات تے نشریات سینیٹر شبلی فراز

اسلام آباد۔21جنوری (اے پی پی):وفاقی وزیر اطلاعات و نشریات سینیٹر شبلی فراز آکھیے جو براڈ شیٹ معاملے تے پہلے ہی وزیراعظم عمران خان انکوائری کمیٹی بݨا چکن ،او45 ݙٰینھ اچ انکوائری مکمل کریسی۔ او قومی اسمبلی دی قائمہ کمیٹی اطلاعات و نشریات دے اجلاس توں خطاب کریندے پئے ہن۔قائمہ کمیٹی دا اجلاس خمیس کوں چیئرمین کمیٹی جاوید لطیف دی زیر صدارت پارلیمنٹ ہائوس اچ منعقد تھیا ۔وفاقی وزیر سینیٹر شبلی فراز آکھیے جو انکوائری رپورٹ اطلاعات کمیٹی  دے نال شیئر کیتی ویسی ۔ وفاقی وزیر آکھیے جو براڈ شیٹ معاملہ اطلاعات کمیٹی دے دائرہ اچ نی آندا ، اییجھے ویلھے جݙاں انکوائری کمیٹی قائم تھی چکی ہوے تاں کمیٹی ولوں چیئرمین نیب دی طلبی الجھن پیدا کریسی ۔ انہاں تجویز ݙتی جو جݙاں انکوائری کمیٹی دی رپورٹ آسی تاں کمیٹی ایندے بعد ضروری سمجھے تاں ایں معاملے تے بحث کرے ۔ انہاں آکھیے جے کمیٹی چیئرمین نیب کوں سݙیندی اے تاں ایندے اچ شامل سابق وزراء اعظم سودھے سارے ملوث لوکاں کوں سݙݨاں چاہیدے ۔ انہاں آکھیے جو گزریل پنج سالاں اچ کمیٹی کݙاہیں وی ایں طرح دا کوئنی ایجنڈا نی ڳھدا ۔ انہاں آکھیے جو پی ٹی آئی کوں براڈشیٹ دے معاملے تے کوئی فکر کائنی ، کیوں جو او ایں سارے معاملے اچ اساݙی جماعت دا کوئی گھنݨ ݙیوݨ کائنی