سیاسی نابالغاں اپوزیشن یرغمال بݨا گھدی اے ،(ن) لیگ اتے پیپلزپارٹی دے سیاݨے لوک اڳو تھی تے اڳواݨی کرن، وفاقی وزیر چوہدری فواد حسین

اسلام آباد۔26جنوری(اے پی پی)وفاقی وزیر سائنس وٹیکنالوجی چوہدری فواد حسین آکھیے جو اپوزیشن کوں سیاسی نابالغاں یرغمال بݨا گھدے،(ن) لیگ اتے پیپلزپارٹی دے سیاݨے لوگ اگو ودھ تے ایندی اڳواݨی کرن۔ ہک ٹویٹ اچ انہاں آکھیا جو اینجھی غیر سنجیدہ سیاسی قیادت ملک دے مستقبل کیتے خطرہ اے۔ چوہدری فواد حسین آکھیے جو گورننس، الیکشن اتے عدلیہ اچ اصلاحات دی لوڑھ اے بھل ایں نابالغ قیادت نال کوݨ  مذاکرات کرے، انہاں کوں الیکشن اصلاحات دا آکھو تاں ولا وی اے تیار کائنی، اپوزیشن ہک ݙینھ عدم اعتماد، ݙوڄھے ݙینھ لانگ مارچ، تریڄھے ݙینھ استعفیٰ دا پروگرام ٻݨیندی اے ۔