لاہور 28 فروری(اے پی پی)وزیراعلی پنجاب عثمان بزدار آکھیے جو پی ڈی ایم کوں ملکی ترقی چنڳی نئیں لڳدی، اے ذاتی مفادات دا تحفظ چاہندن اتے ملکی مفادات دے مخالف ایجنڈے تے ٹردے پین۔ ہک بیان اچ انہاں آکھیا جو معیشت درست ٹریک تے آ ڳئی اے، وزیراعظم عمران خان دی اڳواݨی اچ پاکستان ترقی دی راہ تے ٹیک آف کر چکیے، کورونا دے باوجود کاروباری سرگرمیاں ودھدیاں پین، عوام ترقی وخوشحالی چاہندن، فساد نئیں۔ انہاں آکھیا جو اپوزیشن عناصر فساد کھنڈا تے ترقی روکݨ دے پچھو ہین، فسادی ٹولے کوں ملکی اتے قومی مفاد کیتے ہوش نال کم ڳھݨا چاہیدے، پاکستانی عوام عاقبت نا اندیش عناصر دے جھانسے اچ نہ آسن۔
