اسلام آباد۔ 13 ستمبر (اے پی پی) وزیرِ اعظم یوتھ پروگرام دے چیئرمین رانا مشہود احمد خان دی صدارت منعقدہ اجلاس دے دوران وزیرِ اعظم یوتھ پروگرام (پی ایم وائی پی) تے یو این ویمن پاکستان دے درمیان مفاہمت دی یادداشت (ایم او یو) تے دستخط کیتے ڳئے۔ پی ایم وائی پی دے اعلامیے دے مطابق مفاہمت دی یادداشت دا مقصد پاکستان اچ نوجوان تریمتیں کوں بااختیار بݨاوݨ، انہاں دی …
وزیرِ اعظم یوتھ پروگرام، یو این ویمن پاکستان دے درمیان تریمتیں کوں بااختیار بݨاوݨ کیتے مفاہمتی یادداشت تے دستخط
اسلام آباد۔ 13 ستمبر (اے پی پی) وزیرِ اعظم یوتھ پروگرام دے چیئرمین رانا مشہود احمد خان دی صدارت منعقدہ اجلاس دے دوران وزیرِ اعظم یوتھ پروگرام (پی ایم وائی پی) تے یو این ویمن پاکستان دے درمیان مفاہمت دی یادداشت (ایم او یو) تے دستخط کیتے ڳئے۔ پی ایم وائی پی دے اعلامیے دے مطابق مفاہمت دی یادداشت دا مقصد پاکستان اچ نوجوان تریمتیں کوں بااختیار بݨاوݨ، انہاں دی قیادت کوں فروغ ݙیوݨ تے انہاں کوں معاشرتی، اقتصادی تے عوامی زندگی اچ موثر تے بامعنی کردار ادا کرݨ دے ٻئے مواقع فراہم کرݨ اے۔ اجلاس اچ چیئرمین وزیرِ اعظم یوتھ پروگرام رانا مشہود احمد خان، جوائنٹ سیکرٹری وزیرِ اعظم یوتھ پروگرام ڈاکٹر محمد علی ملک، یو این ویمن پاکستان دے کنٹری نمائندے جمشید کازی تے ڈپٹی کنٹری نمائندہ فہمیدہ اقبال خان سمیت ݙوہائیں اداریاں دے اعلیٰ حکام تے نمائندیاں شرکت کیتی۔ مفاہمت دی یادداشت دے تحت نوجوان خواتین دی قیادت، نوجواناں کوں بااختیار بݨاوݨ تے صنفی مساوات دے فروغ کیتے تعاون، تجربات تے معلومات دا تبادلہ کیتا ویسی۔
