لاہور۔ 13 ستمبر (اے پی پی) وزیرِ اعظم محمد شہباز شریف اڄ سعودی عرب دے ولی عہد و وزیرِ اعظم شہزادہ محمد بن سلمان بن عبدالعزیز آل سعود نال ٹیلیفون تے ڳالھ کیتی اتے سعودی عرب تے حوثیاں ولوں اڄوکے حملیاں، بالخصوص سعودی عرب دے شہری تے اقتصادی بنیادی ڈھانچے کوں نشانہ بݨاوݨ دی شدید مذمت دا اعادہ کیتا۔ وزیرِ اعظم آفس دے میڈیا ونگ توں اتوار کوں جاری بیان …
وزیرِ اعظم شہباز شریف دا سعودی ولی عہد نال ٹیلیفونک رابطہ، حوثی حملیاں دی شدید مذمت
مزید خبراں
لاہور۔ 13 ستمبر (اے پی پی) وزیرِ اعظم محمد شہباز شریف اڄ سعودی عرب دے ولی عہد و وزیرِ اعظم شہزادہ محمد بن سلمان بن عبدالعزیز آل سعود نال ٹیلیفون تے ڳالھ کیتی اتے سعودی عرب تے حوثیاں ولوں اڄوکے حملیاں، بالخصوص سعودی عرب دے شہری تے اقتصادی بنیادی ڈھانچے کوں نشانہ بݨاوݨ دی شدید مذمت دا اعادہ کیتا۔ وزیرِ اعظم آفس دے میڈیا ونگ توں اتوار کوں جاری بیان دے مطابق وزیرِ اعظم محمد شہباز شریف تے سعودی عرب دے ولی عہد تے وزیرِ اعظم شہزادہ محمد بن سلمان بن عبدالعزیز آل سعود وچال نہایت گرمجوشی تے دوستانہ ماحول اچ تھیوݨ آلی ڳالھ مہاڑ اچ وزیرِ اعظم سعودی عرب تے حوثیاں ولوں حالیہ حملیاں، بالخصوص سعودی عرب دے شہری تے اقتصادی بنیادی ڈھانچے کوں نشانہ بݨاوݨ دی شدید مذمت دا اعادہ کیتا۔ وزیرِ اعظم سعودی قیادت تے برادر سعودی عوام دے نال مکمل یکجہتی دا اظہار کریندیں ہوئیں آکھیا جو حوثیاں دیاں حالیہ کارروائیاں علاقائی امن تے سلامتی کیتے خطرہ ہن تے عالمی معیشت تے توانائی دی فراہمی اچ ٻیا خلل دا باعث بݨ سڳدن۔ وزیرِ اعظم آکھیا جو او فیلڈ مارشل سید عاصم منیر تے نائب وزیرِ اعظم و وزیرِ خارجہ محمد اسحاق ڈار دے نال کشیدگی اچ ڳھٹکی گھن آوݨ تے خطے اچ امن دے قیام کیتے آپݨی کوشتاں جاری رکھیسن۔ وزیرِ اعظم موجودہ بحران دے دوران دانشمندانہ تے دوراندیش قیادت تے سعودی ولی عہد کوں خراجِ تحسین پیش کیتا۔ وزیرِ اعظم ایں موقع تے خادمِ حرمین شریفین، شاہ سلمان بن عبدالعزیز آل سعود کیتے آپݨی نیک خواہشات تے دلی احترام دا وی اظہار کیتا۔ سعودی ولی عہد شہزادہ محمد بن سلمان سعودی عرب کیتے پاکستان دی مسلسل تے ثابت قدم حمایت تے خطے اچ امن تے استحکام کیتے پاکستان دیاں کوشتاں کوں سراہیا— ݙوہائیں رہنماواں قریب رابطہ برقرار رکھݨ تے اتفاق کیتا تے تیکھے ملاقات دی خواہش دا اظہار کیتا۔
