اسلام آباد۔2 مارچ (اے پی پی)وزیراعظم دی معاون خصوصی تخفیف غربت اتے سماجی تحفظ آکھیے جو پاکستان غربت مکاوݨ کیتے چین دے ماڈل کوں اپناوݨ چاہندے، ایں سانڳے وزیر اعظم عمران جان ملک اچ سماجی تحفظ دے شعبے دی ترقی تے ودھ توجہ ݙینفے پین۔ اے ڳالھ انہاں اسلام آباد اچ چین دے سفیر نونگ رونگ نال ملݨ ویلھے آکھی۔ انہاں پاک چین سنڳت دے ستر سال پورے تھیوݨ سانڳے تقریباں تے الایا اتے ݙو طرفہ تعلقات ،مختلف شعبیاں اچ کثیر الجہتی تعاون خاص کر غربت مکاوݨ کیتے حکمت عملی تے ڳالھ مہار کیتی۔ ملاقات اچ پاکستان اچ غربت مکاوݨ سانڳے پاک چین ایم یو دے حوالے نال پیش رفت دا جائزہ ڳھدا ڳیا۔
