اسلام آباد۔12مارچ (اے پی پی):سینیٹ دے 48 نویں منتخب ارکان جمعے کوں حلف چا ڳھدے۔ سینیٹ دے خصوصی اجلاس کیتے صدر مملکت ولوں نامزد پریزائیڈنگ آفیسر سید مظفر حسین شاہ نویں منتخب ارکان توں حلف ڳھدے تے انہاں کوں سینیٹ دا رکن منتخب تھیوݨ تے مبارخ ݙتی۔ بعد اچ سارے نویں منتخب ارکان فرداً فرداً رول آف ممبرز تے دستخط کیتے۔ حلف چاوݨ آلیں اچ وفاقی دارالحکومت اسلام آباد توں پاکستان پیپلز پارٹی دے سید یوسف رضا گیلانی اتے پاکستان تحریک انصاف دی فوزیہ ارشد، پنجاب توں مسلم لیگ (ق) دے کامل علی آغا، پی ٹی آئی دے سیف اﷲ سرور خان نیازی، عون عباس، اعجاز احمد چوہدری، سید علی ظفر، زرقا سہروردی تیمور، مسلم لیگ (ن) دے افنان اﷲ خان، ساجد میر، عرفان الحق صدیقی، اعظم نذیر تارڑ اتے سعدیہ عباسی شامل ہن۔ سندھ توں پاکستان پیپلز پارٹی دے سلیم مانڈوی والا، شہر بانو شیری رحمان، تاج حیدر، شہادت اعوان، جام مہتاب حسین ڈہر، فاروق حامد نائیک، پلوشہ محمد زئی خان، پی ٹی آئی دے محمد فیصل واوڈا، سیف اﷲ ابڑو، ایم کیو ایم پاکستان دے سید فیصل علی سبزواری اتے خالدہ اطیب، خیبرپختونخوا توں پی ٹی آئی دے محسن عزیز، سید شبلی فراز، لیاقت خان ترکئی، فیصل سلیم رحمان، ذیشان خانزادہ، دوست محمد خان، محمد ہمایوں مہمند، ثانیہ نشتر، فلک ناز، گردیپ سنگھ، عوامی نیشنل پارٹی دے ہدایت اﷲ خان اتے جے یو آئی (ف) دے عطا الرحمان حلف چاتے ۔ بلوچستان توں بلوچستان عوامی پارٹی دے پرنس احمد عمر احمد زئی، منظور احمد، سرفرا ز احمد بگٹی، سعید احمد ہاشمی، ثمینہ ممتاز، دنیش کمار، بلوچستان نیشنل پارٹی دے محمد قاسم، اے این پی دے عمر فاروق، جے یو آئی (ف)دے مولانا عبدالغفور حیدری، کامران مرتضی اتے آزاد امیدوار محمد عبدالقادر تے نسیمہ احسان حلف چاوݨ آلیں اچ شامل ہن ۔ اے ارکان 6سال کیتے سینیٹ دے رکن منتخب تھئن۔ سینیٹ دے 52 ارکان خمیس کوں اپݨی 6 سالہ آئینی مدت پوری کرݨ دے بعد سبکدوش تھی ڳئن ، انہاں اچوں وزیر اطلاعات شبلی فراز سودھے 12 ارکارن ول سینیٹ دے رکن منتخب تھئن ۔
