اسلام آباد۔ 12 ستمبر (اے پی پی) وفاقی وزیرِ داخلہ محسن نقوی میجر راجہ عزیز بھٹی شہید نشانِ حیدر کوں یومِ شہادت تے خراجِ عقیدت پیش کریندیں ہوئیں آکھیا جو شجاعت دی لازوال مثال میجر راجہ عزیز بھٹی شہید آپݨے لہو نال دلیری دی عظیم داستان رقم کیتی۔ وزارتِ داخلہ توں جاری بیان اچ محسن نقوی آکھیا جو میجر عزیز بھٹی شہید جرات، بسالت تے حب الوطنی دا روشن باب …
وفاقی وزیرِ داخلہ دا میجر راجہ عزیز بھٹی شہید نشانِ حیدر کوں یومِ شہادت تے خراجِ عقیدت
اسلام آباد۔ 12 ستمبر (اے پی پی) وفاقی وزیرِ داخلہ محسن نقوی میجر راجہ عزیز بھٹی شہید نشانِ حیدر کوں یومِ شہادت تے خراجِ عقیدت پیش کریندیں ہوئیں آکھیا جو شجاعت دی لازوال مثال میجر راجہ عزیز بھٹی شہید آپݨے لہو نال دلیری دی عظیم داستان رقم کیتی۔ وزارتِ داخلہ توں جاری بیان اچ محسن نقوی آکھیا جو میجر عزیز بھٹی شہید جرات، بسالت تے حب الوطنی دا روشن باب ہن، میجر عزیز بھٹی شہید بی آر بی نہر تے دشمن دی پیش قدمی روک تے ایں دا غرور مٹی اچ ملا ݙتا۔ وزیرِ داخلہ آکھیا جو 1965ء دی جنگ اچ میجر عزیز بھٹی شہید آپݨی جان دا نذرانہ ݙے تے لاہور دا دفاع ناقابلِ تسخیر بݨایا۔ محسن نقوی آکھیا جو میجر راجہ عزیز بھٹی شہید سویں بہادر سپوت قوم دا فخر تے سر دا تاج ہن۔ انہاں آکھیا جو ارضِ پاک دی حرمت تے جان نثار کرݨ آلے شہدائے وطن دی قربانیاں تاریخ دا سنہری باب ہن۔ محسن نقوی آکھیا جو عددی اعتبار نال وݙے دشمن دے سامھے میجر عزیز بھٹی شہید دی مردانہ وار جرات کوں ہمیشہ یاد رکھیا ویسی۔
