اسلام آباد۔ 11 ستمبر (اے پی پی) چیئرمین سینیٹ سید یوسف رضا گیلانی نال ملک دی مختلف معروف خانقاہواں تے درباراں دے گدی نشیناں تے سجادہ نشیناں ملاقات کیتی۔ ملاقات اچ قومی یکجہتی، بین المذاہب تے بین المسالک ہم آہنگی، معاشرتی اقدار دے فروغ تے عوامی فلاح و بہبود بارے معاملیاں تے ڳالھ مہاڑ کیتی۔ وفد اچ پیر سید امجد علی شاہ گیلانی (آستانہ عالیہ گڈ گور شریف)، صاحبزادہ میاں …
چیئرمین سینیٹ یوسف رضا گیلانی نال مختلف خانقاہواں تے درباراں دے گدی نشیناں تے سجادہ نشیناں دی ملاقات
مزید خبراں
اسلام آباد۔ 11 ستمبر (اے پی پی) چیئرمین سینیٹ سید یوسف رضا گیلانی نال ملک دی مختلف معروف خانقاہواں تے درباراں دے گدی نشیناں تے سجادہ نشیناں ملاقات کیتی۔ ملاقات اچ قومی یکجہتی، بین المذاہب تے بین المسالک ہم آہنگی، معاشرتی اقدار دے فروغ تے عوامی فلاح و بہبود بارے معاملیاں تے ڳالھ مہاڑ کیتی۔ وفد اچ پیر سید امجد علی شاہ گیلانی (آستانہ عالیہ گڈ گور شریف)، صاحبزادہ میاں عمر بخش (دربار عالیہ کھڑی شریف)، سید انوار الحسن پیر آف مراڑہ شریف، سید اکمل حسین شاہ، سید معظم غفار، ملک اصغر حسین تے میاں محمد شبیر شامل ہن۔ وفد آپݨے علاقیاں اچ عوام کوں درپیش مسئلیاں تے خانقاہی مراکزی سماجی تے فلاحی سرگرمیاں بارے چیئرمین سینیٹ کوں ݙسیا۔ سینیٹ سیکرٹریٹ دے مطابق چیئرمین سینیٹ آکھیا جو پاکستان دی تہذیبی تے سماجی تاریخ اچ خانقاہواں تے صوفیائے کرام دی تعلیمات دا اہم کردار رہیے، محبت، برداشت، انسان دوستی، خدمتِ خلق تے اتحاد تے مبنی اے تعلیمات اڄ وی معاشرے کیتے مشعلِ راہ ہن۔ انہاں آکھیا جو قومی اتحاد، امن، مذہبی رواداری تے معاشرتی ہم آہنگی دے فروغ اچ خانقاہی مرکز مثبت تے مؤثر کردار ادا کر سڳدن، نوجواناں دی اخلاقی تے سماجی تربیت، تعلیم تے خدمتِ خلق دے فروغ کیتے انہاں مراکزی کوششاں قابلِ تحسین ہن۔ وفد ملک اچ امن، اخوت، رواداری تے بھائی چارے دے فروغ کیتے مشترکہ کوشتاں دی لوڑھ تے زور ݙتا۔
