اسلام آباد۔17مارچ (اے پی پی):وفاقی وزیر تعلیم و پیشہ وارانہ تربیت شفقت محمود آکھیے جو تعلیمی نظام اچ اصلاحات گھن تے آندے پیوں ، طالب علم مخصوص اختیاری مضمون دے نال مزید اضافی مضامین دی تعلیم وی حاصل کرسڳسن، نینگراں کوں رٹہ سسٹم توں بچاوݨ کیتے امتحانی نظام اچ وی تبدیلی گھن تے آندے پیوں۔ اے ڳال انہاں ٻدھ کوں ایوان صدر اچ انٹرمیڈیٹ امتحان 2020اچ پوزیشن حاصل کرݨ آلے طالب علماں اچ ایوارڈ ݙیوݨ دی تقریب توں خطاب کریندے ہوئیں آکھی اے انہاں آکھیے جو صدر مملکت ڈاکٹر عارف علوی دی سر براہی اچ ایوان صدر علم و ادب تہذیب اتے ثقافت دا گہوارہ بݨ چکے ۔ پوزیشن حاصل کرݨ آلے طالب علم مبارک باد دے مستحق ہن۔
