راولپنڈی۔13اپریل (اے پی پی):سکیورٹی فورسز دے جنوبی وزیرستان دے علاقے لدھا اچ آپریشن دے دوران دہشت گرد پیر عرف اسد ماریا ڳیا۔ پاک فوج دے شعبہ تعلقات عامہ (آئی ایس پی آر) موجب دہشت گرداں دی موجودگی دی اطلاع تے سکیورٹی فورسز جنوبی وزرستان دے شہر لدھا اچ انفارمیشن بیسڈ آپریشن کیتا۔ فائرنگ دے تبادلے اچ دہشت گرد پیر عرف اسد مارا ڳیا۔ ہلاک دہشت گرد 2006 توں ٹی ٹی پی دا سرگرم رکن ہئی ۔ اوں ٹی ٹی پی بیت اللہ محسود گروپ اچ شمولیت اختیار کیتی تے سیکیورٹی فورسز تے حملیں اچ براہ راست ملوث رہیا۔ حکیم اللہ محسود دی موت دے بعد ، او شہریار محسود گروپ اچ شامل تھی ڳیا ہئی ۔
