فیک نیوز معاشرے اچ انتشار دا باعث بݨدن ،متعلقہ اسٹیک ہولڈرز فیک نیوز کھنڈاوݨ توں گریز کرن ، صدر مملکت ڈاکٹر عارف علوی دی چیئرمین پیمرا نال ملاقات اچ ڳالھ مہاڑ

اسلام آباد۔8جون (اے پی پی):صدر مملکت ڈاکٹرعارف علوی فیک نیوزدی ودھدی ہوئی لعنت دی حوصلہ شکنی تے زور ݙتے جو کیوں جو اے معاشرے اچ انتشار اتے لوکاں کیتے پریشانی دا باعث بݨدن ، انہاں آکھیے جو میڈیا اخلاقی اقدار دے ودھارے تے غلط معلومات کوں کھنڈݨ توں روکݨ کیتے آپ دا کردار ادا کرے ۔پیمرا معلومات دی آزادانہ فراہمی یقینی بݨا تے معلومات ، تعلیم اتے تفریح دے معیار کوں بہتر بݨاوے ،۔ اے ڳالھ انہاں چیئرمین پیمرا محمد سلیم بیگ نال ملاقات کریندے ہوئیں آکھی اے ۔ ملاقات دے دوران چیئرمین پیمرا صدر مملکت کوں پاکستان اچ الیکٹرانک میڈیا دے آزادانہ ودھارے تے سہولت ݙیوݨ دے حوالے نال اپݨے ادارے دی سالانہ رپورٹ برائے 20۔ 2019 پیش کیتی۔