اسلام آباد۔ 16 جون(اے پی پی)وفاقی وزیر برائے سائنس و ٹیکنالوجی شبلی فراز نال پنجاب دے وزیر جنگلی حیات و ماہی گیری سید صمصام علی شاہ بخاری ملاقات کیتی۔ وفاقی وزیر ملک اچ ایکواکلچر دی صنعت دی ترقی تے زور ݙتے۔ فریقین کھارے پاݨی آلیاں زمیناں تے جھینگے دی ودھوتری اتے ایکوا ٹیکنالوجی پارک سانڳے کٹھے منصوبے شروع کرݨ تے اتفاق کیتے جیندے اچ قومی جی ڈی پی اچ کئی ارب ڈالر ودھارا کرݨ دی صلاحیت اے، لوکاں کوںر وزگار ملسی اتے ملک اچ کھارے پاݨی دی زمین کوں استعمال کیتا ونڄ سڳسی۔
