اسلام آباد۔ 11 ستمبر (اے پی پی) وفاقی وزیرِ داخلہ محسن نقوی بابائے قوم قائداعظم محمد علی جناحؒ کوں انہاں دی عظیم جدوجہد تے زبردست خراجِ عقیدت پیش کریندیں ہوئیں آکھیا جو بانیِ پاکستان برصغیر دے مسلماناں کوں غلامی توں نجات ݙوا تے دنیا دے نقشے تے ہک آزاد تے باوقار ریاست قائم کیتی۔ انہاں دی بے مثل قیادت قومی تاریخ دا روشن ترین باب ہے— آپݨے سنیھے اچ محسن …
قائداعظمؒ ہک منتشر قوم کوں نظریہ، شعور تے آزاد ریاست ݙتی، وفاقی وزیرِ داخلہ
اسلام آباد۔ 11 ستمبر (اے پی پی) وفاقی وزیرِ داخلہ محسن نقوی بابائے قوم قائداعظم محمد علی جناحؒ کوں انہاں دی عظیم جدوجہد تے زبردست خراجِ عقیدت پیش کریندیں ہوئیں آکھیا جو بانیِ پاکستان برصغیر دے مسلماناں کوں غلامی توں نجات ݙوا تے دنیا دے نقشے تے ہک آزاد تے باوقار ریاست قائم کیتی۔ انہاں دی بے مثل قیادت قومی تاریخ دا روشن ترین باب ہے— آپݨے سنیھے اچ محسن نقوی آکھیا جو قائداعظمؒ دی شخصیت اچ کردار دی بلندی، سچائی تے عمل دی یکسوئی نمایاں ہئی۔ انہاں شدید علالت دے باوجود عزم و ہمت نال قوم کوں آزادی دی منزل تئیں پڄایا۔ وفاقی وزیر یاد ݙوایا جو قائداعظمؒ اقلیتاں دے مساوی حقوق دے علمبردار ہئن تے حکومت کوں عوام دی امانت سمجھدے ہئن۔ انہاں آکھیا جو ایمان، اتحاد تے تنظیم پاکستان دی اصل روح ہن ڄنہاں تے عمل درآمد ای ملکی ترقی دا واحد راہ اے۔
