وزیراعظم عمران خان نال سعودی عرب دے وزیر خارجہ پرنس فیصل بن فرحان السعود دی ملاقات

اسلام آباد۔27جولائی(اے پی پی):وزیراعظم عمران خان پاکستان اتے سعودی عرب دے ڳھاٹے تاریخی تعلقات ٻعے تکڑے کرݨ دا عزم دوہریندے آکھیے جو تجارت، سرمایہ کاری اتے توانائی دے شعباں اچ ٻیا ہتھ ونݙاوݨا چاہیدے، سعودی عرب اچ پاکستانی تارکین وطن دے سوکھ کیتے ہر ممکن اقدامات کریسوں، سعودی عرب کرونا پاروں لایاں ڳیاں سفری پابندیاں مکاوݨ کتیے اقدامات کرے۔ اے ڳآلھ انہاں اسلام آباد اچ آئے سعودی عرب دے وزیر خارجہ پرنس فیصل بن فرحان السعود نال ملݨ ویلھے آکھی۔ انہاں ݙوطرفہ تعلقات، مذہبی اتے ثقافتی ڳانݙھے سودھا ٻئے امور تے ڳالھ مہاڑ کیتی۔ وزیراعظم عمران خان خادمین الحرمین الشریفین شاہ سلمان بن عبدالعزیز اتے ولی عہد محمد بن سلمان کیتے نیک خواہشات پچائن۔ وزیر اعظم زور ݙتے جو مختلف شعباں اچ تعلقات ٻئے تکئے کیتے ونڄن، معاشی ساڄھے داریو دھاوݨ، تجارت، سرمایہ کاری اتے توانائی دے شعباں اچ تعاونو دھایا وںجے۔ وزیراعظم آکھیا جو کرونا دی صورتحال اچ سفری پابندیاں کوں ݙیہدے ہوئے پاکستانی شہریاں کوں سوکھ ݙیوݨ کیتے سعودی حکومت پاکستانیاں دی واپسی یقینی ٻݨاوے۔ انہاں خطے دی صورتحال، خاص کر افغانستان اچ امن عمل کیتے مشترکہ کوششان تے زور ݙتا۔ سعودیو زیر خارجہ، وزیراعظم عمران خان اتے سعودی ولی عہد دے سٹرٹیجک احکامات سانڳے باہمی تعلقات تکڑے کرݨ کیتے سارے ممکنہ اقدامات کرݨ دا یقین ݙیوایا۔