اسلام آباد۔28جولائی (اے پی پی):چیئرمین سینیٹ محمد صادق سنجرانی دی خصوصی دعوت تے عرب پارلیمنٹ دے صدر عادل بن عبدالرحمن العسومی دی قیادت اچ 11رکنی وفد پاکستان دا 5ݙینھ دا دورہ کریسی ۔ سینیٹ سیکرٹریٹ موجب وفد یکم اگست کوں پاکستان پڄ ویسی ، اپݨے دورے دے دوران عرب پارلیمنٹ دے وفد دی صدر مملکت عارف علوی، وزیراعظم عمران خان، چیئرمین سینیٹ محمد صادق سنجرانی، وزیر خارجہ شاہ محمود قریشی اتے ٻئی اعلیٰ سطح قیادت نال ملاقاتاں متوقع ہن۔ چیئرمین سینیٹ آپݨے ھک بیان آکھیے جو عرب پارلیمنٹ ھک انتہائی اہم فورم اے تے پاکستان عرب پارلیمنٹ دے نال ݙو پاسے تعاون کوں مزید ودھاوݨ چاہندے ، عرب پارلیمنٹ دے صدر اتے انہاں دے وفد دے دورے نال ݙو پاسے تعاون کوں مزید ودھاوݨ کیتے رستے ہموار تھیسن تے ایہو اساݙا سانجھا مقصد اے ۔
