اسلام آباد۔20 اکتوبر(اے پی پی)وزیراعظم عمران خان خیبرپختونخوا حکومت کوں نیو بالاکوٹ سٹی کوں سیاحتی مقام ٻݨاوݨ کیتے اقدامات دی ہدایت کیتی اے۔ اے ہدایات انہاں نیو بالاکوٹ سٹی کوں سیاحتی مرکز ٻݨاوݨ بارے اجلاس دی اڳواݨی کریندے وزیراعظم آکھیے جو حکومت ملک اچ سیاحت دی ترقی کیتے پہاڑی علاقیاں اچ نویں سیاحتی مقامات ٻݨیدی پئی اے جیندے کیتے سیاحت و مہمان نوازی دے شعبے اچ نامور نجی سرمایہ کاراں کوں پبلک پرائیویٹ پارٹنرشپ (پی پی پی) دو متوجہ کیتا ویندا پئے، متعلقہ وفاقی و صوبائی حکام ایں سانڳے نجی سرمایہ کاراں کوں سوکھ فیوݨ دے اقدامات کرن۔ منصوبے تے ڈیزائن، بلڈ، فنانس، آپریٹ اینڈ ٹرانسفر (DBFOT) موڈ تے ترقی ݙیوݨ کیتے 19.5 بلین روپے دی فزیبلٹی سٹڈی نیسپاک اتے کے پی ایم جی مکمل کر ڳھدی اے۔ ایں منصوبے اچ یوتھ ہاسٹل، تھیم پارک، کیمپنگ گراؤنڈ اتے تھری سٹار ہوٹل شامل ہوسن۔
