اسلام آباد۔20اکتوبر(اے پی پی)صدر مملکت ڈاکٹر عارف علوی ملک اتے مارکیٹ دی لوڑھ سانڳے یونیورسٹیاں دے ذریعے اعلیٰ معیار دے گریجویٹس اتے ہنرمند ورک فورس ٻݨاوݨ تے زور ݙتے اتے آکھیے جو یونیورسٹیوں کوں انفارمیشن اینڈ کمیونیکیشن ٹیکنالوجی (آئی سی ٹی) تے ودھ توجہ فیوݨی چاہیدی اے۔ اے ڳالھ انہاں ایوان صدر اچ غلام اسحاق خان انسٹی ٹیوٹ (GIKI) آف انجینئرنگ سائنسز اینڈ ٹیکنالوجی دے بریفنگ اجلاس اچ آکھی۔ اجلاس اچ ریکٹر غلام اسحاق خان انسٹی ٹیوٹ پروفیسر ڈاکٹر فضل احمد خالد، صدر سوسائٹی فار پروموشن آف انجینئرنگ سائنسز اینڈ ٹیکنالوجی فرید رحمن، ایگزیکٹو ڈائریکٹر شکیل درانی اتے حکومت دے اعلیٰ حکام شرکت کیتی۔ صدر مملکت صنعتی روابط اتے بین الاقوامی یونیورسٹیاں نال تعاون ودھاوݨ تےز ور ݙتے، یونیورسٹیاں اپݨے بین الاقوامی مشاورتی بورڈ کوں تکڑا کرݨ دے علاوہ آن لائن تعلیمی جزو ودھاون، خصوصی طلبہ کیتے ایچ ای سی دی پالیسی تے عمل کیتا ونڄے جو او ٹیوشن فیس، ہاسٹل فیس اتے یوٹیلیٹی فیس اچ رعایت ڳھن سڳن اتے انہاں کوں وی ملازمت ملے۔
