راولپنڈی۔20اکتوبر(اے پی پی)وفاقی وزیر داخلہ شیخ رشید احمد آکھیے وج عمران خان دی حکومت آئینی مدت پوری کریسی، مہانگ تے قابو پا ڳھنسوں، الیکشن توں پہلے فساد کھنݙاوݨ آلے اپݨے کیتے آپ کھݙا کھٹیسن، ن لیگ دی تریڄی جماعت وی سامݨے آویسی۔ اے ڳالھ انہاں گورنمنٹ ایسوسی ایٹ کالج برائے خواتین مری روڈ راولپنڈی اچ تقریب نال خطاب اتے میݙیا نال الیندے آکھی۔ انہاں آکھیا جو لوک پڑھیے لکھیے ہین اتے مہانڳ دی وجہ سمجھدن جو اے سرف پاکستان دا مسلہ نئیں، پی ݙی ایم قانون ہتھ اچ نہ ڳھدا تاں کوئی مسلہ نہ تھیسی نتاں آئین اتے قانون موجود اے۔ انہاں آکھیا جو عمران خان ملکی مسلیان دے حل کیتے ہر ویلھے ردھے ہوئن، مہانگ سودھا ہر مسلے تے تیکھے قابو پا ڳھنسوں۔ انہاں آکھیا جو 5 کمپنیاں اتے 50 لوکاں توں تحقیقات کیتن، کوشش اے ڈالر دی نقل حمل روکی ونڄے، انہاں بھارتی آبدوز ڳولݨ اتے الک کرݨ تے پاک بحریہ دی تعریف کریندے آکھیے جو پکا یقین اے کہ ساݙیان مسلح افواج ملک دی حفاظت کیتے ہر ویلھے تیار ہین۔
