کابل۔21اکتوبر (اے پی پی):وزیر خارجہ مخدوم شاہ محمود آکھیے جو پاکستان، افغانستان دے نیڑے ہمسایہ ملکاں دے نال رل تے ، خطے اچ امن و استحکام کیتے اپݨا تعمیری کردار ادا کرݨ کیتے پرعزم اے۔اے ڳال انہاں خمیس کوں کابل اچ افغانستان دے عبوری وزیر اعظم ملا حسن آخوند نال ملاقات اچ آکھی اے ۔افغان عبوری حکومت دے وزیر خارجہ امیر خان متقی وی ایں موقع تے موجود ہن ، جݙاں جو وزیر اعظم دے نمائندہ خصوصی افغانستان محمدصادق ،سیکرٹری خارجہ سہیل محمود ، افغانستان اچ تعینات پاکستانی سفیر منصور احمد خان، اعلیٰ عسکری قیادت و پاکستانی وفد دے ٻئے ارکان وی ایں ملاقات اچ شریک ہن ۔ملاقات اچ ݙو طرفہ سانجھی دلچسپی دے امور ،تجارتی و اقتصادی شعبہ جات اچ تعاون ودھاوݨ تے افغان عوام کوں معاشی بحران تں نکلݨ کیتے مختلف پہلوواں تے ڳال مہاڑ کیتی ڳئی اے ۔افغانستان دی عبوری حکومت دے وزیر اعظم ملا حسن آخوند وزیر خارجہ مخدوم شاہ محمود قریشی اتے پاکستانی وفد کوں کابل آمد تے خوش آمدید آکھیا ۔ وزیر خارجہ شاہ محمود قریشی آکھیے جو پاکستان، افغانستان اچ دیرتئیں امن تے استحکام چاہندے اتے انسانی بنیاداں تے افغان بھراویں دی مدد کیتے پرعزم اے۔انہاں آکھیے جو پاکستان، افغانستان دے نال ݙو طرفہ تجارت ودھاوݨ دا متمنی اے۔افغان شہریاں بالخصوص تاجراں کیتے ویزہ سہولتاں ، نویں بارڈر پوائنٹس دا اجرا ءاتے نقل و حرکت اچ سہولت ݙیوݨ دے ایں سلسلے دیاں کڑیاں ہن ۔ شاہ محمود قریشی آکھیے جو پاکستان، افغانستان دے نیڑے ہمسایہ ملکاں دے نال رل تے ، خطے اچ امن و استحکام کیتے اپݨا تعمیری کردار ادا کرݨ کیتے پرعزم اے۔افغان حکومت دے عبوری وزیراعظم ملا حسن آخوند انسانی امداد دی وختی فراہمی تے پاکستانی قیادت دا شکریہ ادا کیتے۔
