اسلام آباد۔21اکتوبر(اے پی پی)وزیراعظم عمران خان آکھیے جو عوام دی سماجی و اقتصادی ترقی کیتے وݙے قدرتی وسائل توں فیدہ چاوݨا چاہیدے، کارپوریٹ فارمنگ دی ترقی کیتے اقدامات کیتے ونڄن، چشمہ رائت بنک کینال منصوبہ سماجی و معاشی ترقی کیتے وݙی تبدیلی ثابت تھیس۔ اے ڳالھ انہاں خیبر پختونخوا کیتے مربوط زراعت اتے ترقیاتی منصوبیاں خاص کر چشمہ رائٹ بینک کینال (سی آر بی سی) بارے اجلاس دی صدارت کریندے آکھی۔ اجلاس اچ وفاقی وزیر توانائی محمد حماد اظہر، مشیر تجارت عبدالرزاق داؤد، صوبائی وزراء خیبر پختونخوا تیمور سلیم جھگڑا، محب اللہ، چیئرمین نیشنل ہائی وے اتھارٹی خرم آغا، چیئرمین ایف بی آر ڈاکٹر محمد اشفاق احمد اتے متعلقہ افسران شرکت کیتی۔ وزیر اعظم آکھیے جو چشمہ رائٹ بینک کینال (سی آر بی سی) دے لفٹ کم گریویٹی پروجیکٹ دی تعمیر جنوبی خیبر پختونخوا اچ ترقی ڳھن آسی، جیندے نال 3 لکھ ایکڑ بنجر زمین سیراب تھیسی، زرعی پیداوار ودھسی اتے ودھ زرمبادلہ آسی۔ اجلاس اچ سی آر بی سی دے میگا ڈویلپمنٹ پروجیکٹ دی تعمیر کیتے متبادل مالیاتی ماڈلز تے وی الایا ڳئے۔
