اسلام آباد۔22اکتوبر (اے پی پی): سپیکر قومی اسمبلی ایوان اچ سوالاں دے جواب نہ آوݨ تے متعلقہ سیکرٹری توں ذاتی حیثیت اچ وضاحت منگ ڳھدی اے ۔ جمعہ کوں قومی اسمبلی دے اجلاس اچ ڈاکٹر نفیسہ شاہ اتے مولانا عبدالاکبر چترالی دے سوالاں دے جواب نی آئے جیں تے سپیکر قومی اسمبلی آکھیے جو انہاں دے سوالاں دے جواب کیوں نی آئے ۔ وزیر مملکت علی محمد خان آکھیے جو کجھ سوال دے جواب تیار کرݨ اچ وقت لڳدے ، انہاں دے سوالاں دے جواب میں کنے پڄ ڳئن ۔ سپیکر قومی اسمبلی آکھیے جو انہاں سوالاں دے جواب پورے ایوان کوں تاں نی ملیے ۔ انہاں رولنگ ݙیندے ہوئیں متعلقہ سیکرٹری توں ذاتی حیثیت نال وضاحت منگ ڳھدی اے ۔
