اسلام آباد۔22اکتوبر (اے پی پی):وزیراعظم دے مشیر پارلیمانی امور ڈاکٹر بابر اعوان آکھیے جو وزیراعظم عمران خان آئین و قانون دے مطابق مختلف علاقیں کیتے ترقیاتی پیکج دا اعلان کیتے۔جمعے کوں قومی اسمبلی اچ سوالاں دے وقفے ویلھے پیپلز پارٹی دی رکن قومی اسمبلی شازیہ مری دے سوال دے ولدے اچ ڈاکٹر بابر اعوان آکھیے جو ایوان اچ غیر پارلیمانی الفاظ غیر ضروری طور تے نی ٻولݨے چاہیدے ساریں دی عزت و احترام اے۔ انہاں آکھیے جو آئین دے آرٹیکل 19 دی ذیلی شق ھک دے تحت وزیراعظم اپݨے اختیارات استعمال کریندن ۔ وزیراعظم عمران خان آرٹیکل 38 دے تحت قانون دے مطابق ترقیاتی پیکجز دا اعلان کیتے۔ انہاں آکھیے جو وزیراعظم جتھاں وی ویندن متعلقہ فریقاں دی مشاورت نال پی ایس ڈی پی دے تحت ترقیاتی منصوبیں دا اعلان کریندن۔
