اسلام آباد۔22اکتوبر (اے پی پی):وفاقی وزیر مواصلات و پوسٹل سروسز مراد سعید آکھیے جو پاکستان دی ہیلتھ کارڈ اسکیم غریباں کیتے سستے علاج اچ کہیں معجزے توں گھٹ کائنی ۔ جمعہ کوں اپݨے ھک ٹویٹ اچ وفاقی وزیر مواصلات آکھیے جو پاکستان دی ’’معجزانہ‘‘ ہیلتھ کارڈ اسکیم غریباں کیتے سستا علاج ݙیندی اے ، انہاں ٹویٹر تے ݙتی ٹیلی گراف اچ شائع تھیوݨ آلے ھک غریب سکیورٹی گارڈ اشتیاق احمد دی روداد تے مبنی ھک خبر دا تراشہ وی لنک دے نال شیئر کیتے جیں اچ ݙسایا ڳئے جو پشاور دا رہائشی اشتیاق گھٹ تنخوادار سکیورٹی گارڈ عارضہ قلب اچ مبتلا ہئی جیڑھا وج علاجِ معالجہ اتے مہانگے آپریشن دی وجہ توں پریشان ہئی۔ اشتیاق احمد کوں کئی سالاں توں دل تکلیف ہئی ، لیکن سرجری کیتے اینکوں 2 ہزار پائونڈ ملݨ دے امکانات طویل عرصے توں ناممکن ݙکھائی ݙیندےپئے ہن ، مدد کیتے خدا دی طرف ݙیکھݨ دے سوا کوئی چارہ نہ ہئی ۔ ایجھی صورتحال اچ پاکستان تحریک انصاف دی حکومت ہیلتھ انشورنس سکیم متعارف کرائی جیڑھی جو اشتیاق کیتے کہیں معجزے توں گھٹ نہ ہئی تے سرجری دے بعد اوصحت یاب زندگی گزیندا پئے۔
