اسلام آباد۔22اکتوبر (اے پی پی):وزیر مملکت اطلاعات و نشریات فرخ حبیب آکھیے جو وزیراعظم عمران خان دی قیادت اچ ملکی معیشت ترقی دی شاہراہ تے گامزن اے، حقائق اے ہے جو مالی سال دے پہلے ترائے مہینے اچ غیر ملکی ترسیلات زر 12.5فیصد ودھارے دے نال 8 ارب ڈالر،برامدت 38 فیصد دے ودھارے نال 7ارب ڈالررہییاں، 30سال بعد کہیں وزیراعظم زراعت تے توجہ ݙتی اے جیں توں پاکستان فوڈ سیکورٹی اچ سرپلس تھیوݨ ویندا پئے ۔ جمعے کوں آپݨے ھک ٹویٹ اچ وزیر مملکت اطلاعات و نشریات فرخ حبیب آکھیے جو ایف بی آر پہلے ترائے مہینے اچ 38 فیصد ودھارے نال 1395ارب دی ٹیکس وصولیاں کیتیاں۔ انہاں آکھیے جو ٹیکسٹائل برآمدات 28فیصد ودھارے نال 4.437 ارب ڈالر رہیاں۔ آئی ٹی دی برآمدات اچ 42.7 فیصد ودھارے نال 635 ملین ڈالر دا اضافہ تھئے جݙاں جو لارج سکیل مینوفیکچرنگ اچ جولائی اگست دے پہلے 2 مہینے اچ 7.5 فیصد ودھارا تھئے ، انہاں آکھیے جو خریف دیاں فصلاں اچ ابتدائی اطلاعات دےمطابق ڳنے کی پیداواراچ 25 فی صد ودھارا ، مکئی 18% ودھارا ، کپاہ 60% ودھارا،چاول18 فیصد ودھارا متوقع اے،انشاللہ کݨک دی آندی پیداوار اچ وی ودھارا تھیسی ۔
