لاہور۔22اکتوبر(اے پی پی)وزیراعلیٰ پنجاب عثمان بزدار کالعدم تنظیم نال مذاکرات کیتے پنجاب کابینہ دے سینئر اراکین دی کمیٹی ٻݨا ݙتی اے۔ وزیراعلیٰ عثمان بزدار کالعدم تنظیم نال مذاکرات کیتے کمیٹی ٻݨاوݨ دا اعلان کریندے آکھیا جو کمیٹی اچ راجہ بشارت اتے چودھری ظہیرالدین شامل ہین۔ عثمان بزدار آکھیے جو حضور اکرم ﷺ دی سنت دے مطابق ملک اچ امن و امان کیتے اساں ہر کہیں کوں مل تے کم کرݨ دی لوڑھ اے۔ انہاں آکھیا جو اپوزیشن دا احتجاج خود نمائی دے سوا کڄھ نئیں، موجودہ ملکی حالات اچ فساد دی سیاست کھنݙاوݨ دی کوئی ڄاہ کائنی، مظاہرے کرݨ آلیاں کوںع وام دا کوئی درد کائنی او اپݨا ککڑ کچھ اچ پاتی ودن اتے اتے صرف اقتدار کھسیڄݨ تے ٹپدے ودن۔
