اسلام آباد۔21جنوری(اے پی پی)دوزیراعظم دے ترجمان و معاون خصوصی سیاسی ابلاغ ڈاکٹر شہباز گِل آکھیے جو نااہل لیگ اچ چٻل پوݨے دی اے حالت اے جو مریم اورنگزیب وی معیشت تے بھاشن ڈیندی اے، کرونا دے بعد پاکستان دا نارمیلسی انڈیکس اچ ݙوڄھا نمبر اے، دی اکانومسٹ دی رپورٹ ن لیگ دے منہ تے چماٹ اے، ہک پاسو عالمی اداریاں دا پاکستان اچ بہتری بارے رپورٹاں ہین اتے ٻئے پاسو شریف ٹٻر دے ذاتی غلاماں دے کوڑ ہین جئیں معیشت دی الف ب ڄاݨے ٻغیر ملکی معیشت کوں آن ٻوڑیے، سمدھی سودھا پورا ٹٻر مال کھا تے ٻاھرو ٻھڄ ڳئے، منافق سوچ دے درباری پاکستان دی مثبت خبراں سݨ ہی نئیں سڳدے۔
