اسلام آباد۔21جنوری(اے پی پی):وفاقی وزیر برائے تعلیم، پیشہ وارانہ تربیت، قومی ورثہ و ثقافت شفقت محمود دے آکھݨ تے وفاقی وزارت تعلیم “اومیکرون” دے خلاف آگاہی ایس ایم ایس سروس مہم شروع کر ݙتی اے۔ ایس ایم ایس آگاہی مہم دے پہلے مرحلہ اچ ٹیلی کام کمپنی جاز دے ڳانݙھے نال 12 ملین سبسکرائبرز کوں سنیہے پچائے ویسن اتے مہم دی شروعات اسلام آباد توں تھیندی پئی اے۔ ݙوڄھے مرحلے اچ مہم ٻیاں ٹیلی کام کمپنیاں نال رل تے پورے ملک اچ چلائی ویسی۔ ایں خصوصی سنیہے اچ طلبا، اساتذہ اتے والدین کوں تیزی نال کھنݙدے ” اومی کرون” توں آحتیاط ورتݨ کیتے ہتھ دھووݨ، سماجی فاصلہ ، رش اچ نہ ونڄݨ، 12 سال توںو دھ عمر دے لوکاں دی لازمی ویکسین کراوݨ شامل اے۔
