اسلام آباد۔26جنوری (اے پی پی):پاکستان تحریک انصاف دے وائس چیئرمین و وزیر خارجہ مخدوم شاہ محمود قریشی دی زیر صدارت بدھ کوں وزارت خارجہ اچ پنجاب اچ پارٹی امور دے حوالے نال اہم اجلاس تھیا ۔وزیر اعلیٰ پنجاب سردار عثمان بزدار اجلاس اچ شرکت کیتی جݙاں جو پی ٹی آئی جنوبی پنجاب دے صدر و وفاقی وزیر صنعت و پیداوار مخدوم خسرو بختیار اتے پنجاب دے وزیر خزانہ ہاشم جواں بخت بذریعہ ویڈیو لنک اجلاس اچ شرکت کیتی۔وزیر خارجہ آکھیے جو وزیر اعظم عمران خان دی قیادت اچ پاکستان تحریک انصاف کوں مزید فعال اتے متحرک بݨاوݨ کیتے پرعزم ہن۔اجلاس اچ آئندہ لوکل گورنمنٹ الیکشنز دے حوالے نال حکمت عملی وضع کرݨ متعلق وی ڳال مہاڑ کیتی ۔
