صدر مملکت ڈاکٹر عارف علوی دا اسلام آباد پولیس دے اہلکار، بنوں اچ شہید تھیوݨ آلے پاک فوج دے سپاہی دے ٹٻر کوں فون، پرچاوݨی ݙتی

اسلام آباد۔26جنوری(اے پی پی) صدر مملکت ڈاکٹر عارف علوی اسلام آباد پولیس دے اہلکار اتے بنوں اچ شہید تھیوݨ آلے پاک فوج دے سپاہی دے ٹٻر کوں فون کیتے اتے پرچاوݨی ݙتی۔ صدر مملکت جی-8، اسلام آباد حملے اچ شہید تھیوݨ آلے اسلام آباد پولیس دے ہیڈ کانسٹیبل منور حسین دے ٹبر کوں فون کرتے افسوس کیتے۔ انہاں 13 جنوری کوں بنوں اچ چوکی تے حملے اچ شہید تھیوݨ آلے پاک فوج دے سپاہی سرفراز علی دے ورثاء کوں وی پرچاوݨی ݙتی۔ صدر عارف علوی شہداء کوں قوم کیتے قربانی اتے خدمات تے خراج عقیدت پیش کریندے فاتحہ کیتی۔