اسلام آباد۔26جنوری(اے پی پی)وزیر اعظم عمران خان دی زیر صدارت دورہ چین بارے اعلیٰ سطح اجلاس تھئے جیندے اچ وفاقی وزراء شاہ محمود قریشی، حماد اظہر، شوکت ترین، چوہدری فواد حسین، اسد عمر، مشیرتجارت عبدالرزاق دائود، قومی سلامتی مشیر ڈاکٹر معید یوسف، آرمی چیف جنرل قمر جاوید باجوہ، معاون خصوصی سی پیک خالد منصور اتے سینئر افسران شریک تھین۔ اجلاس اچ دورہ چین اچ سرمایہ کاری، تجارت، انفارمیشن ٹیکنالوجی اتے برآمدات دے شعباں اچ تعاون ودھاوݨ سانڳے ٹھوس منصوبیاں تے چینی حکام نال جاری ڳالھ مہاڑ تے بریفنگ ݙتی۔
