ملتان۔26 جنوری(اے پی پی)گورنر پنجاب چوہدری محمد سرور آکھیے جو وزیراعظم عمران خان اپݨی آئینی مدت پوری کریسن، عمران خان کوں کوئی کھݙھدا پئے نہ کوں کݙھ سڳدے، جہانگیر خان ترین ہݨ وی پی ٹی آئی اچ ہی ہین اتے کہیں وی مہم اچ کائنی، وعدے دے مطابق پنجاب اچ بلدیاتی انتخابات دا پہلا مرحلہ شروع تھیسی اتے اڄوکے حالات اچ صدارتی نظام دی ڳالھ مناسب نئیں، اوکھ دے باوجود حکومت کوں اپوزیشن کولو کوئی خطرہ کائنی۔ سرکٹ ہاؤس ملتان اچ پنجاب آب پاک اتھارٹی دے 20 نویں منصوبیاں دا افتتاح کرݨ توں بعد پریس کانفرنس کریندے پئے ہن۔ گورنر پنجاب آکھیا جو وزیر اعظم عمران خان دی اڳواݨی اچ سارے ہکے صفحے تے ہین، اپوزیشن دے روز لانگ مارچ تھیندن، انہاں دے کہیں مارچ نال ساکوں کوئی ݙر کائنی، الیکشن اپݨے ویلھے تے تھیسن۔
