زرعی تحقیق دے فیدے کاشتکاراں تئیں پڄݨ ضروری ہین، وفاقی وزیر نیشنل فوڈ سکیورٹی اینڈ ریسرچ

APP55-260122 FAISALABAD: January 26 – Federal Minister for National Food Security and Research Syed Fakhar Imam is visiting an exhibition at Display Center of Agricultural scientists at Ayub Agricultural Research Institute (AARI). APP photo by Tasawar Abbas

لاہور۔26جنوری(اے پی پی)وفاقی وزیر نیشنل فوڈ سکیورٹی اینڈ ریسرچ سید فخر امام آکھیے جو زرعی تحقیق دے فیدے کاشتکاراں تئیں پڄݨ ضروری ہین تاں جو انہاں دی پیداواری لاگت ڳھٹے اتے ملکی زرعی فی ایکڑ پیداوار ودھے، پاک چین ساڄھے داری ملک اچ زرعی ترقی اتے پیداوار ودھاوݨ کیتے اہم ثابت تھیسی۔ اے ڳالھ انہاں ایوب زرعی تحقیقاتی ادارہ فیصل آباد اچ جائزہ اجلاس دی اڳواݨی کریندے آکھی۔ انہاں آکھیا جو ملک اچ کپاہ، کݨک، گنا، چاول، امٻ اتے امرود سودھا ٻیاں زرعی اجناس دی پیداوار اتے معیار سانڳے ودھ کم تھیندا پئے جو زرعی معیشت تکڑی تھیوے اتے کسان وی خوشحال تھیون۔ انہاں غذائی تحفظ اتے تحقیق سانڳے اقدامات کوں تکھا کرݨ تے زور ݙیندے آکھیا جو حکومت وزارت خوراک دا بجٹ ہک ارط روپے توں ودھا تے 13 ارب روپے جکرݙتے تاں جو زراعت دا شعبہ ترقی کرے۔