اسلام آباد۔2اپریل(اے پی پی)وفاقی وزیر اطلاعات، نشریات و قانون چوہدری فواد حسین عالمی سازش نال حکومت وٹاوݨ اتے تحریک عدم اعتماد جھیں عوامل دا جائزہ ڳھنݨ کیتے کمیشن ٻݨاوݨ دی ہدایت کیتی اے۔ وزارت قانون دا چارج سنٻھالݨ دے بعد وفاقی وزیر اطلاعات و قانون چوہدری فواد حسین اے احکامات ݙتن۔ اے کمیشن عالمی سازش دی تحقیقات کر تے رپورٹ ݙیسی۔ وفاقی وزیر قانون اسلام آباد، کراچی اتے لاہور اچ کئی لیگل افسران وٹاوݨ دے وی احکامات ݙتن۔ انہاں وزارت قانون و انصاف دے افسران کوں اپݨے فرائض چنڳے ادا کرݨ دی ہدایت وی کیتی۔
