اسلام آباد۔5اپریل (اے پی پی):ترجمان قومی اسمبلی وزیر اعظم دے خلاف عدم اعتماد تے رولنگ دے حوالے نال سپیکر قومی اسمبلی متعلق میڈیا تے چلݨ آلیاں خبراں دی سختی نال تردید کریندے ہوئے آکھیے جو میڈیا چینلز تے اجلاس دی صدارت نہ کرݨ دے حوالے نال چلائی ونڄݨ آلیاں خبر آپوں گھڑی ہوئیاے تے بے بنیاد اے۔ منگل کوں آپݨے وضاحتی بیان اچ انہاں آکھیے جو سپیکر قومی اسمبلی اپݨے خلاف عدم اعتماد دی تحریک جمع تھیوݨ دی وجہ توں اجلاس دی صدارت نہ کرݨ دا فیصلہ کیتا ہئی ۔عدم اعتماد تے ڈپٹی سپیکر دی طرفوں ݙتی ونڄݨ آلی رولنگ توں سپیکر قومی اسمبلی متفق ہن جیں تے سپیکر قومی اسمبلی دے دستخط موجود ہن ترجمان دے مطابق رولنگ دے حوالے نال کیس عدالت عظمی اچ زیر سماعت اے۔ سپیکر قومی اسمبلی ایں سلسلے اچ آپݨے وکلاء دے ذریعے اپݨا موقف عدالت اچ پیش کریسن ۔
