راولپنڈی۔17مئی (اے پی پی) شمالی وزیرستان اچ سکیورٹی فورسز نال فائرنگ دے تبادلے اچ تحریک طالبان پاکستان دے 2 اہم اتے انتہائی مطلوب دہشت گرد ماریے ڳئن۔ پاک فوج دے شعبہ تعلقات عامہ موجب 16/17 مئی 2022 دی رات شمالی وزیرستان دے علاقہ بویا اچ سکیورٹی فورسز اتے دہشت گرداں وچال فائرنگ دا تبادلہ تھیا ۔ شدید فائرنگ تبادلے دے دوران 2 دہشت گرد ہلاک تھی ڳئن ۔ ماریے ڳئے دہشت گرداں دی شناخت دہشت گرد کمانڈر رشید عرف جابر اتے دہشت گرد عبد السلام عرف چمٹو دے ناں توں تھئی اے ۔ دہشت گرداں دے قبضے توں ہتھیار اتے گولہ بارود وی برآمد کیتا ڳئے ۔ ݙوہیں دہشتگرد علاقے اچ دہشت گردی دیاں کارروائیاں اچ ملوث ہن۔
