اسلام آباد۔17مئی (اے پی پی) وفاقی وزیر اطلاعات و نشریات مریم اورنگزیب آکھیے جو عمران خان معاشی تباہی، مہانگ تے بے روزگاری تے عوامی مجرم ہن، انہاں کوں جواب ݙیوݨا پوسی ، منڳل کوں آپݨے ھک ٹویٹ اچ انہاں آکھیے جو عمران خان تماشا کر تے کوڑ مارتے عوام تے جیڑھا ظلم کیتے ، ایندے جواب توں او بھڄ نی سڳدے ۔ وفاقی وزیر اطلاعات اپݨے ٹویٹ اچ 2018ء اچ مسلم لیگ (ن) اتے 2022ء اچ پی ٹی آئی دے دور حکومت دے دوران ملکی ترقی دے حوالے نال اعداد و شمار دا چارٹ وی شیئر کیتے۔ ایں چارٹ دے مطابق 2018ء اچ ڈالر دی قیمت 116 روپے توں ودھ تے 2022ء اچ 189 روپے تھی ڳئی ۔ قومی ترقی دی رفتار 6.1 فیصد توں گھٹ تھی تے 4 فیصد (متوقع)، مہانگ 3.9 فیصد توں ودھ تے 13 فیصد، غذائی مہانگ 2.3 فیصد توں ودھ تے 15 فیصد، اٹا20 کلو 700 روپے توں ودھ تے 1100 روپے، کھنڈ فی کلو 53 روپے توں ودھ تے 90 روپے، گھیو فی کلو 151 روپے توں ودھ تے 470 روپے، بجلی فی یونٹ 11 روپے توں ودھ تے 25 روپے، گیس 600 روپے ایم ایم بی ٹی یو توں ودھ تے 1400 روپے ایم ایم بی ٹی یو، یوریا بوری دی قیمت 1380 روپے توں ودھ تے 1918 روپے (3 ہزار روپے اچ وکی)، مالی خسارہ 2260 ارب روپے توں ودھ تے 5600 ارب روپے (متوقع)، تجارتی خسارہ 30.9 ارب ڈالر توں ودھ تے 43 ارب ڈالر، جی ڈی پی اتے ٹیکس دا تناسب 11.1 فیصد توں گھٹ تھی تے 9.2 فیصد، حکومتی قرضہ 1947ء توں گھن تے 2018ء تئیں 24953 ارب روپے توں ودھ تے ساڈھے ترائے سال اچ 42745 ارب روپے، بے روزگاراں دی تعداد 35 لکھ توں ودھ تے 95 لکھ تھی ڳئی جیں اچ 60 لکھ بے روزگاراں دا ودھارا تھئیا۔ ایویں ٹرانسپیرنسی انٹرنیشنل دی کرپشن پرسیپشن انڈیکس رینکنگ 117 توں ودھ تے 140 تھئی ، کرپشن اچ 23 فیصد ودھارا تھیا ۔ چار سال اچ غربت دی لکیر توں تلے لوکاں دی تعداد اچ 2 کروڑ لوک بشمول 1.3 کروڑ ٻالاں دا ودھارا تھئے ۔
