صدر مملکت عارف علوی نال سعودی عرب دے سفیر نواف بن سعید احمد المالکی دی ملاقات

APP04-170522 ISLAMABAD: May 17 - Ambassador of the Kingdom Of Saudi Arabia to Pakistan, Mr Nawaf Bin Saeed Ahmad Al-Malkiy, calls on President Dr Arif Alvi, at Aiwan-E-Sadr. APP

 

اسلام آباد۔17مئی  (اے پی پی):صدر مملکت ڈاکٹر عارف علوی آکھیے جو پاکستان تے سعودی عرب ٻہوں سارے علاقائی تے عالمی امور تے ہم آہنگی رکھیندن ، ݙوہیں ملکاں وچال مختلف شعبیں اچ اسٹریٹجک اتے وسیع البنیاد شراکت داری کوں مزید ودھارا ݙیوݨ دی لوڑھ اے ، اے ڳالھ انہاں پاکستان اچ سعودی عرب دے سفیر نواف بن سعید احمد المالکی نال ڳالھ مہاڑ کریندے ہوئیں آکھی اے جنہاں ایوان صدر اچ انہاں دے نال ملاقات کیتی ۔ ملاقات اچ پاکستان اتے سعودی عرب  وچال سانجھے مذہب، مشترکہ اقدار تے ثقافت تے مبنی پراݨے برادرانہ تعلقات کوں مزید تکڑا بݨاوݨ دی خواہش دا اعادہ کیتا ڳئے ۔ صدر مملکت آکھیے جو پاکستان سعودی عرب نال آپݨے تعلقات کوں اہمیت ݙیندے جیں ہمیشہ اوکھے ویلھے پاکستان دا ساتھ ݙتے ۔ انہاں مزید آکھیے ݙوہیں ملک ٻہوں سارے علاقائی تے عالمی امور تے ھکو سواں موقف رکھیندن ، انہاں ݙوہیں بھرا ملکاں دے سانجھے مفاد کیتے سعودی عرب دے نال مختلف شعبیں اچ اسٹریٹجک اتے وسیع البنیاد شراکت داری کوں مزید ودھارا ݙیوݨ دی لوڑھ تے زور ݙتا ۔