اسلام آباد۔17مئی (اے پی پی) وزیرِ اعظم شہباز شریف چین پاکستان مثالی یاری دی اہمیت تے زور ݙیندے ہوئیں آکھیے جو حکومت چینی کمپنی دی طرفوں بیماریاں دی تشخیص، بچݨ تے علاج کیتے جوائنٹ وینچر دے تحت سرمایہ کاری دی پیشکش دا خیر مقدم کریندی اے۔ایں ضمن اچ حکومت ہر ممکن تعاون کریسی ،وزیر صحت ایں بارے ٹاسک فورس بݨاوݨ تاں تاں جو منصوبے تے وختی کم شروع تھی سڳے ۔وزیر اعظم آفس میڈیا ونگ توں جاری بیان موجب منڳل کوں وزیرِ اعظم شہباز شریف نال چینی کمپنی سینو ویک دے وفد ملاقات کیتی۔ملاقات اچ کیانگ گواو جنرل مینیجر سینو ویک، ڈائریکٹر انٹرنیشنل بزنس کیون زینگ، وفاقی وزیرِ صحت عبدالقادر پٹیل، ایگزیکٹیو ڈائیریکٹر نیشنل انسٹیٹیوٹ آف ہیلتھ میجر جنرل پروفیسر عامر اکرام اتے متعلقہ اعلی حکام شرکت کیتی۔اجلاس اچ وزیرِ اعظم کوں کووڈ۔ 19ویکسی نیشن مہم دے دوران سینو ویک دی طرفوں پاکستان کوں ݙتی ڳئی ویکسین بارے بریفنگ ݙتی ڳئی ۔ ایں توں علاوہ سینو ویک دی طرفوں پاکستان اچ سرمایہ کاری کرتے بیماریاں دی تشخیص، بچاؤ اتے علاج کیتے ھک جوائنٹ وینچر بݨاوݨ اچ گھاٹی دلچسپی ظاہر کیتی ڳئی ۔وزیرِ اعظم چین پاکستان مثالی یاری دی اہمیت تے زور ݙیندے ہوئیں آکھیے جو حکومت چینی کمپنی دی طرفوں سرمایہ کاری دی ایں پیشکش دا خیر مقدم کریندی اے تے ایں حوالے نال ہر قسم دا تعاون کریسی۔وزیرِ اعظم وفاقی وزیرِ صحت کوں وختی ٹاسک فورس بݨاوݨ دی ہدایت جاری کیتی تاں جو سینوویک کمپنی وختی ایں منصوبے تے کم شروع کرسڳے وزیر اعظم آکھیے جو ملک اچ براہِ راست ٻاہرلی سرمایہ کاری ودھاوݨ حکومت دی اولین ترجیحات اچ شامل اے۔پاکستان کووڈ۔ 19 دے دوران چینی تعاون کوں قدر دی نگاہ نال ݙیکھدے ۔
