اسلام آباد۔28مئی (اے پی پی):وفاقی وزیر اطلاعات و نشریت مریم اور نگزیب جوہری دھماکیں دی سالگرہ تے قوم، قیادت اتے سائنسداناں کوں مبارخ ݙیندے ہوئیں آکھیے جو یوم تکبیر تاریخ دا سنہری اتے یادگارݙینھ اے جݙاں پاکستان اعلان کیتا جو اینکوں کوئی غلام نی بݨا سڳدا ، یوم تکبیر اعلان ہئی جو پاکستان آزاد ہئی ، آزاد ہے اتے آزاد رہسی ۔ ہفتے کوں یوم تکبیر دے موقع تے آپݨے پیغام اچ وفاقی وزیر اطلاعات ذوالفقار علی بھٹو توں نواز شریف تئیں قائدین کوں سلام پیش کریندے ہوئیں آکھیے جو بھٹو شہید ایٹمی پروگرام دا منڈھ ٻدھیا جݙاں جو نوازشریف ایندی تکمیل کیتی، نوازشریف دنیا تے ثابت کیتے جو اساکوں مل نی ڳھدا ونڄ سڳدا نہ جھکایا ونڄ سڳدے۔ انہاں آکھیے جوہری پروگرام دا تسلسل پاکستان دے اپݨے دفاع کیتے کوئی سمجھوتہ نہ کرݨ دا تاریخی ثبوت اے۔ وفاقی وزیر اطلاعات آکھیے جو جوہری پروگرام کوں بݨاوݨ ، پروان چڑھاوݨ تے ایندا عملی اظہار کرݨ آلا ہر بندہ قوم دا ہیرو اے جیں کوں سلام پیش کریندوں ، انہاں آکھیے وزیراعظم شہباز شریف یوم تکبیرتے ݙاہ ݙینھ وار قریبات دا اعلان کیتے ، اتحاد دے جذبے توں اے خوشی منیسوں ۔
