اسلام آباد۔28مئی (اے پی پی):صدر مملکت ڈاکٹر عارف علوی آکھیے جو ملک اچ انفارمشن ٹیکنالوجی کوں ودھارا ݙیوݨ ، آئی ٹی دے شعبے نال جڑیے انسانی وسائل کوں فعال بݨاوݨ تے ہنرمند افرادی قوت کوں ودھاوݨ دی لوڑھ تے زور ݙیندے ہوئیں آکھیے جو پاکستان فری لانسنگ دے شعبے تے توجہ ݙے تے ٻہوں ترقی کرسڳدے ۔ صدر مملکت اے ڳالھ فری لانس فیسٹ توں ورچوئل خطاب کریندے ہوئیں آکھی اے ۔ انہاں آکھیے جو فری لانسنگ اچ نینگرنسل کیتے اڳوں ودھݨ دے ٻہوں سارے موقع موجود ہن ، دنیا دے کئی ملکاں آئی ٹی دے شعبے دی بدولت ترقی دیاں منزلاں طے کیتن ۔ صدر مملکت آکھیے جو دنیا اچ فری لانسرز دی ٻہوں لوڑھ اے ، حکومت کوں فری لانسرز کیتے رقم دی وصولی دے حوالے نال پلیٹ فارم مہیا کرݨا چاہیدے۔ صدر مملکت آکھیے جو انٹرنیٹ مڈل مین دے کردار کوں ختم کرݙتے ، پاکستان اچ آئی ٹی تے کوئی ٹیکس کائنی ، انہاں آئی ٹی دے شعبہ نال جڑیے لوکاں تے زور ݙتے جو او ایں شعبے توں حاصل تھیوݨ آلی آمدن کوں پاکستان گھن آون تے اینکوں آپݨے کاروبار کوں ودھاوݨ کیتے استعمال کرن۔
